公民黨立法會議員湯家驊週三在電台節目中與社民連的「長毛」梁國雄「開片」,力數五區「總辭」三宗罪。所謂「三宗罪」,分別是令反對派甚至全港市民分裂、削弱反對派本身的政治力量,以及未能聚焦討論政改方案。

公民黨立法會議員湯家驊週三在電台節目中與社民連的「長毛」梁國雄「開片」,力數五區「總辭」三宗罪。所謂「三宗罪」,分別是令反對派甚至全港市民分裂、削弱反對派本身的政治力量,以及未能聚焦討論政改方案。

雖然公民黨最近就參與五區「總辭」一唱一和,但該黨的湯家驊在坊間卻大唱反調。週三他出席一個電台節目時,就力數五區「總辭」三宗罪:「第一宗罪係『民主 派』分裂,不單只『民主派』分裂,香港市民都分裂緊。第二就係削弱咗『民主派』嘅政治力量,特別係議會裡面嘅政治力量。第三宗罪係令到我哋宜家討論政改係 唔得聚焦。」他又說,市民根本不支持五區「總辭」,「啲街坊話:『有無搞錯!我選咗你出嚟,你話辭就辭,又叫我出嚟投票,我係唔會投票,或者係投白票!』」

多位市民致電電台時同樣表達對「總辭」的強烈不滿意見。陸先生說:「同『長毛』講,五區『總辭』係無意思嘅!」陳先生則說:「個『總辭』根本就係由社民連『操盤』,係無意思。如果投票率低過五成,呢個就根本唔係公投!」

早前表態支持五區「總辭」的民主黨議員甘乃威,週三也開始「轉軚」,「我去過港島所有支部的黨團,支持五區『總辭』嘅係極少、極少數,我聽咗咁耐,淨係聽到一個聲音係講話支持……就算十三號個大會通過咗,『華叔』又話支持,我都擔心地區啲樁腳唔會支持囉。」 另外,社民連與公民黨在辭職時間上又出現分歧。社民連的陳偉業週三在立法會重申,社民連在未來一至兩個星期會定下「總辭」日期,目前傾向於定在明年五月十六日,即選民登記截止之日辭職。公民黨黨魁余若薇則強調,公民黨不同意五月辭職,「如果你決定真真正正做嘢,你就要畀人睇到那個傾向,不可以太過反覆。」

余若薇證實,公民黨將於本週末舉行會員大會,討論五區「總辭」等問題,但未必會在會上進行表決。至於湯家驊則表示已去信所有黨員,呼籲黨員盡量出席週六的會員大會,參與討論和投票。

 

 

LEAVE A REPLY

Please enter your comment!
Please enter your name here